Finlandyja inicyjavała pravierku, ci sapraŭdy apłačanaja Jeŭropaj amierykanskaja zbroja idzie Ukrainie
Finlandyja maje namier pravieryć, ci sapraŭdy zbroja z ZŠA, jakuju jeŭrapiejskija krainy nabyvajuć dla Ukrainy ŭ miežach prahramy PURL, pastupaje tudy, kudy jana pryznačana. Pra heta paviedamiŭ ministr abarony Finlandyi Anci Chiakianien u intervju Euronews.
Pavodle słoŭ finskaha ministra, u Jeŭropie ŭźnikła zaniepakojenaść z-za taho, što vajskovyja resursy ZŠA mohuć skaračacca z-za kanfliktu ŭ Iranie, a taksama źjavilisia paviedamleńni, što častku hetych resursaŭ mohuć nakiravać na Blizki Uschod.
U suviazi z hetym Finlandyja choča ŭpeŭnicca, što ZŠA vykonvajuć svaje abaviazacielstvy pa kantraktach z krainami NATA, jakija kuplajuć amierykanskuju zbroju dla Ukrainy.
Chiakianien adznačyŭ, što vykarystańnie srodkaŭ pastajanna kantralujecca, i pakul jość upeŭnienaść, što sistema pracuje. Adnak kali źjaviacca prablemy, padychod mohuć pierahledzieć.
Hetaje pytańnie stała asabliva aktualnym paśla paviedamleńniaŭ vydańnia Washington Post, dzie sa spasyłkaj na krynicy havaryłasia, što Pientahon razhladaje mahčymaść pieranakiravańnia zbroi, pryznačanaj dla Ukrainy, u inšyja rehijony z-za niedachopu bojeprypasaŭ.
Siarod takoj zbroi nazyvajuć rakiety dla sistem supraćpavietranaj abarony, jakija zakuplajucca ŭ miežach prahramy PURL. Pry hetym kančatkovaje rašeńnie, jak śćviardžaje dziaržsakratar ZŠA Marka Rubia, jašče nie pryniata.
Prezident ZŠA Donald Tramp, kamientujučy situacyju, zajaviŭ, što padobnaje pieranakiravańnie adbyvajecca rehularna: zbroju mohuć brać z adnaho napramku i vykarystoŭvać na inšym.
U toj ža čas ministr abarony Hiermanii Barys Pistoryus adznačyŭ, što nie maje paćviardžeńnia taho, što zbroja, nabytaja pa prahramie PURL, sapraŭdy pieranakiroŭvajecca.
Rubia paćvierdziŭ, što ZŠA mohuć pieranakiravać zbroju, pryznačanuju dla Ukrainy, na Blizki Uschod
Pientahon moža pieranakiravać pastaŭki zbroi, pryznačanaj dla Ukrainy, u Iran
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Zialenski: ZŠA chočuć, kab Ukraina vyjšła z Danbasu ŭ abmien na harantyi biaśpieki
Prezident Hiermanii: Adnosiny z Maskvoj i Vašynhtonam nikoli nie buduć raniejšymi
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary