Ci abaviazkova ŭ hramadskim transparcie zdymać zaplečniki?
Padčas prajezdu ŭ transparcie z zaplečnikam na plačach adnamu z pasažyraŭ inšyja zrabili zaŭvahu, kab jon jaho źniaŭ. Toj spytaŭ u jurystaŭ: ci źjaŭlajecca zakonnym padobnaje patrabavańnie?
Zdymak ilustracyjny. Fota: freepik.com
Advakatka, zahadčyca jurydyčnaj kansultacyi Dobrušskaha rajona Viktoryja Ramančykava adkazała na hetaje pytańnie, što pasažyry, jakija patrabujuć źniać zaplečnik, majuć racyju, paviedamlaje Hałoŭnaje ŭpraŭleńnie justycyi Homielskaha abłvykankama.
Jana patłumačyła, što, zhodna z punktam 254 Pravił aŭtamabilnych pieravozak pasažyraŭ, jakija byli zaćvierdžanyja pastanovaj biełaruskaha ŭrada, biełarusy pavinny zdymać pry ŭvachodzie ŭ transpart naplečnyja sumki (zaplečniki) sa śpiny i pieravozić ich u rukach.
Padobnyja patrabavańni taksama dziejničajuć i ŭ dačynieńni da haradskoha elektryčnaha transpartu.
«Takim čynam, pry prajeździe ŭ hramadskim transparcie (aŭtobusie, tralejbusie, tramvai i hetak dalej) zaplečnik albo sumka pavinny zdymacca ź plačej i znachodzicca ŭ rukach u pasažyra», — zajaviła advakat.
Čytajcie taksama:
Minčanka padziakavała słužbie biaśpieki mietrapalitena za nadhlad rečaŭ syna
Ci moža taksist admovicca vieźci pasažyra z łyžami i sankami? Moža, ale nie zaŭsiody
Ci moža pasažyr patrabavać kampiensacyi, kali transpart spaźniŭsia praz zaviruchu?