Ci moža taksist admovicca vieźci pasažyra z łyžami i sankami? Moža, ale nie zaŭsiody
Sproba zakazać taksi, kali čałaviek choča jechać ź dziciačymi sankami abo łyžami, moža skončycca tym, što kiroŭca admovicca pieravozić bahaž — i ŭ niekatorych vypadkach jon budzie mieć na heta prava. Advakatka, kiraŭnica jurydyčnaj kansultacyi Dobrušskaha rajona Viktoryja Ramančykava patłumačyła, u jakich situacyjach pieravozić invientar možna, a ŭ jakich — nie, piša «Minskaja praŭda».
Asnoŭnaje praviła: bahaž pavinien adpaviadać techničnym mahčymaściam aŭtamabila. Ručnaja pakłaža pavinna svabodna prachodzić u sałon i nie pieraškadžać kiroŭcu, a bujnyja rečy — całkam źmiaščacca ŭ bahažniku.
Zakonnyja pryčyny dla admovy z boku kiroŭcy:
- Pamiery: rečy (naprykład, doŭhija łyžy abo vialikija sanki) fizična nie źmiaščajucca ŭ aŭtamabil abo bahažnik.
- Čyścinia: invientar mokry, brudny ci pakryty śnieham i moža zabrudzić sałon.
- Biaśpieka: pieravozka rečaŭ moža stvaryć ryzyku dla kiroŭcy abo pasažyraŭ (naprykład, kali rečy nie zamacavanyja).
Admova budzie niepravamiernaj, kali nievialikija čystyja łyžy ŭ čachle abo razbornyja sanki lohka źmiaščajucca ŭ sałon ci bahažnik, a kiroŭca admaŭlajecca ich vieźci biez abjektyŭnych pryčyn.
Takim čynam, najaŭnaść zimovaha invientaru sama pa sabie nie źjaŭlajecca padstavaj dla admovy. Rašeńnie zaležyć ad stanu, pamieraŭ i mahčymaści biaśpiečna i akuratna raźmiaścić rečy ŭ kankretnym aŭtamabili.
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary