U Jeŭrasajuzie ŭvodziać padatak na drobnyja pasyłki ź inšych krain
Z 1 lipienia 2026 hoda ŭ Jeŭrapiejskim sajuzie ŭvodzicca novy padatak na nievialikija pasyłki, jakija prychodziać z krain pa-za miežami ES, u tym liku ź Biełarusi. Heta praviła budzie dziejničać časova — jak minimum da 2028 hoda, pakul nie ŭviaduć novuju sistemu kantrolu internet-handlu, piša Infotrans Belarus.
Zdymak ilustracyjny. Fota: freepik.com
Padatak zakranie tavary koštam da 150 jeŭra, bo mienavita takija pakupki čaściej za ŭsio robiać u internet-kramach.
Asablivaść novaha zboru ŭ tym, što 3 jeŭra buduć brać nie za ŭsiu pasyłku, a za kožnuju katehoryju tavaraŭ asobna. Kali ŭ adnoj pasyłcy znachodziacca roznyja vidy tavaraŭ abo tavary ad roznych pradaŭcoŭ, mytnia moža razhladać ich jak asobnyja pazicyi.
Naprykład, kali čałaviek zakazvaje niekalki niedarahich rečaŭ — adzieńnie, navušniki i kaśmietyku — to navat pry nievialikaj ahulnaj sumie pasyłki daviadziecca zapłacić dadatkovyja zbory za kožnuju katehoryju. U vyniku košt pakupki pavialičycca z-za hetych płaciažoŭ.
Čytajcie taksama:
U Polščy nakryli padpolnuju tytuniovuju fabryku. Zatrymanyja dziesiać biełarusaŭ
Pančochi razładu: Mark Formelle znoŭ apynuŭsia ŭ centry skandału. Što na hety raz zdaryłasia?
Chłopiec z Hrodna zakruciŭ chitramudruju kryminalnuju schiemu z padmienaj tavaraŭ z markietpłejsa