Chłopiec z Hrodna zakruciŭ chitramudruju kryminalnuju schiemu z padmienaj tavaraŭ z markietpłejsa
Žychar Hrodna znajšoŭ sabie krynicu zarobku, raspracavaŭšy schiemu z padmienaj tavaraŭ na markietpłejsie. Čatyry razy jana navat spracavała, ale da pary zban vadu nosić, paviedamlaje UUS Hrodzienskaha abłvykankama.
25‑hadovy mužčyna zakazvaŭ dva adnolkavyja tavary — adzin aryhinalny, druhi tannuju kopiju. Atrymaŭšy brendavy tavar, jon pradavaŭ jaho pa canie nižejšaj za rynkavuju, a kopiju viartaŭ u punkt vydačy, jak byccam heta aryhinał.
Takuju schiemu jon paŭtaryŭ nie mienš za čatyry razy, pakul jaho nie vykryli. Słužba biaśpieki markietpłejsa paviedamiła ŭ milicyju pra naniesienuju jamu materyjalnuju škodu na sumu bolš za 4 tysiačy rubloŭ.
U dačynieńni da zatrymanaha zaviali kryminalnuju spravu pa artykule «Machlarstva, učynienaje paŭtorna». Pakarańnie pa hetym artykule moža praduhledžvać pazbaŭleńnie voli na termin da čatyroch hadoŭ.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary