U Izraili navukoŭcy znajšli straŭsinyja jajki, jakim kala 7 tysiač hadoŭ
U paŭdniovaj častcy Izraila archieołahi znajšli straŭsinyja jajki, uzrost jakich składaje kala 7000 hadoŭ. Jany lažali pobač ź nievialikim vohniščam, što śviedčyć pra ich vierahodnaje hatavańnie i ŭžyvańnie ŭ ježu, piša vydańnie Neritage Daily.
Fota: Israel Antiquites Authority
Daśledčyki miarkujuć, što jajki byli śviadoma pryniesienyja da ahniu, bo ich raźmiaščeńnie nie vyhladaje vypadkovym. Adno ź jajek navat znachodziłasia niepasredna ŭ vohniščy, što jašče bolš paćviardžaje viersiju pra ich pryhatavańnie.
Straŭsinyja jajki byli važnaj krynicaj ježy dla kačavych ludziej u pustyni, bo jany vialikija i mohuć nakarmić niekalki čałaviek. U zasušlivych umovach takaja ježa była asabliva kaštoŭnaj.
Navukoŭcy adznačajuć, što padobnyja znachodki redkija, bo jaječnaja škarłupina z časam chutka razburajecca. U hetym ža vypadku jajki zachavalisia dziakujučy piasku, jaki ich nakryŭ, a paźniej znoŭ adkryŭsia z-za ruchu dziunaŭ.
Hetaja znachodka dapamahaje lepš zrazumieć žyćcio staražytnych kačavych ludziej, pra jakich zachavałasia vielmi mała śviedčańniaŭ.
Čytajcie taksama:
U Niderłandach padčas prakładańnia kanalizacyi znajšli frahmient karabla vikinhaŭ
Jehipcianie vałodali składanymi technałohijami zadoŭha da piramid
Biełaruskija navukoŭcy adnavili abličča šachciora, jaki žyŭ 4,5 tysiačy hadoŭ tamu
U pradmieści Ryma znajšli reštki zbudavańniaŭ bolš čym dvuchtysiačnaj daŭniny
Kitajskija archieołahi adnavili pazałočanyja daśpiechi bolš čym tysiačahadovaj daŭniny