Kitajskija archieołahi adnavili pazałočanyja daśpiechi bolš čym tysiačahadovaj daŭniny
Kitajskija navukoŭcy zaviaršyli rekanstrukcyju redkaha kamplekta bronzavych daśpiechaŭ z pakryćciom z zołata, jaki adnosicca da pieryjadu dynastyi Tan. Artefakt uzrostam kala 1200 hadoŭ byŭ znojdzieny ŭ pachavańni na terytoryi archieałahičnaha pomnika Siuevej u pravincyi Cinchaj, piša The Independent.
Dynastyja Tan, jakaja kiravała ŭ Kitai z 618 da 907 hady n.e., pakinuła bahatuju kulturnuju spadčynu. Vajskovaje abmundziravańnie toj epochi viadoma historykam pa freskach, pachavalnych fihurkach i litaraturnych krynicach, adnak materyjalnych śviedčańniaŭ isnavańnia «załatych daśpiechaŭ» da niadaŭniaha času nie zachavałasia — pra ich zhadvali tolki ŭ paezii.
Situacyja źmianiłasia ŭ 2018 hodzie, kali ŭ hrabnicy znajšli pieršyja frahmienty. Restaŭrataram daviałosia vyrašyć składanuju zadaču: zachavać i sabrać u cełaje mocna paškodžanyja i niapoŭnyja elemienty. Dla hetaha prymianiali kompleksnuju stratehiju, uklučajučy pasłojnuju čystku i dakładnuju katałahizacyju kožnaj płaściny. «My abrali stratehiju «razabrać cełaje na častki i sabrać častki ŭ cełaje», — patłumačyŭ restaŭratar Ho Čženčeń.
Asnoŭnuju rolu ŭ prajekcie adyhrali sučasnyja ličbavyja technałohii: 3D-skanavańnie, mikraskapija, virtualnaja i dapoŭnienaja realnaść dazvolili dakładna adnavić daśpiechi.
Akramia asnoŭnaha kamplekta, byli adnoŭlenyja i inšyja pradmiety z pachavańnia, uklučajučy łakiravanyja daśpiechi z pazałotaj dla koniej i vialiki bronzavy kazan. Navukoŭcy adznačajuć, što takija daśledavańni nahladna demanstrujuć važnaść ličbavych mietadaŭ dla zachavańnia i interpretacyi suśvietnaj histaryčnaj spadčyny ŭ sučasnuju epochu.
U Indaniezii znajšli najstaražytniejšyja ŭ śviecie ŭzory naskalnaha žyvapisu
La ŭźbiarežža Danii znajšli karabiel uzrostam bolš za 600 hadoŭ. Raniej takija bačyli tolki na malunkach
U Biełarusi raniej raśli duby-hihanty. Kab ich adnavić, daśledujuć DNK
U Vialikabrytanii archieołahi znajšli pramysłovy centr časoŭ Rymskaj Impieryi
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary