Naftahazavyja dachody rasijskaha biudžetu padajuć udvaja čaćviorty miesiac zapar
Dachody rasijskaha biudžetu ad nafty i hazu źnižajucca ŭžo niekalki miesiacaŭ zapar. U sakaviku jany ŭpali prykładna na 43% u paraŭnańni ź minułym hodam i skłali kala 617 miljardaŭ rubloŭ (kala 7,7 miljarda dalaraŭ). Heta vynikaje sa spravazdačy rasijskaha Minfina, piša The Moscow Times.
Zdymak ilustracyjny. Fota: Sefa Karacan/Anadolu via Getty Images
Asnoŭnyja padatki, jakija prynosiać hrošy ŭ biudžet, taksama istotna skaracilisia. Naprykład, padatak na zdabyču karysnych vykapniaŭ upaŭ amal napałovu, a ekspartnyja myty — prykładna na čverć.
Takaja tendencyja praciahvajecca ŭžo čaćviorty miesiac zapar: u papiarednija miesiacy taksama nazirałasia amal dvuchrazovaje źnižeńnie dachodaŭ u paraŭnańni ź minułym hodam. U vyniku za pieršy kvartał rasijski biudžet atrymaŭ značna mienš srodkaŭ, čym raniej.
Asnoŭnaja pryčyna — nizkija ceny na naftu, ad jakich zaležać hetyja dachody. Choć časam adbyvajucca vahańni i navat rost cen, u siarednim jany zastajucca nižejšymi za tyja, što zakładzieny ŭ biudžet. Taksama mahčymaści rasijskaha ekspartu abmiažoŭvajucca nakładzienymi sankcyjami i pastajannymi ŭdarami USU pa paliŭnaj infrastruktury.
Ekśpierty adznačajuć, što ŭ budučyni dachody mohuć častkova adnavicca, kali vyrastuć ceny na syravinu. Ale ŭ cełym situacyja zastajecca niestabilnaj i rasijski biudžet adčuvaje značny niedachop srodkaŭ u paraŭnańni z płanami.
Čytajcie taksama:
U Šviecyi tankier rasijskaha cieniavoha fłotu zatrymali za raźliŭ nafty
U vyniku atak na port va Uść-Łuzie paškodžany terminał dla zahruzki nafty
U Tatarstanie haryć «Nižniakamsknaftachim» — paciarpieli bolš za 50 čałaviek, adzin zahinuŭ