U Tatarstanie haryć «Nižniakamsknaftachim» — paciarpieli bolš za 50 čałaviek, adzin zahinuŭ
Na terytoryi chimičnaha zavoda ŭ Nižniakamsku adbyŭsia vybuch, paśla jakoha pačaŭsia pažar. Kolkaść paciarpiełych uvieś čas raście.
Mer horada Radmir Bialajeŭ tolki paśla taho, jak u siecivie raspaŭsiudzilisia šmatlikija videa bujnoha pažaru, paćvierdziŭ fakt uzharańnia, zajaviŭšy, što na pradpryjemstvie «viadziecca łakalizacyja ačaha».
Paźniej MNS RF paviedamiła, što 13 čałaviek paciarpieli pry pažary. Potym ličba vyrasła da 50 čałaviek, adzin zahinuŭ. Ličby pastupova rastuć.
Ad vybuchu paškodžany najbližejšyja damy — chvalaj vybiła škło, a na akonnych ramach źjavilisia raskoliny. Administracyja horada adkryła haračuju liniju dla paciarpiełych žycharoŭ i fiksacyi razbureńniaŭ, paviedamlaje «Baza».
«Ja na 10 paviersie žyvu, u nas dom prosta zašatała, ja dumała składziemsia. Mianie da hetaha času trasie», — pryvodzić rasijski kanał słovy śviedki.
Pažaru prysvojeny maksimalny ŭzrovień składanaści, płošča ŭzharańnia ŭžo bolš za 2000 kv. m.
«Papiaredniaj pryčynaj zdareńnia źjaŭlajecca zboj u pracy abstalavańnia. Infarmacyja ab kolkaści paciarpiełych udakładniajecca», — havorycca ŭ paviedamleńni «Nižniakamsknaftachima».
Adrazu paśla zdareńnia «Rasavijacyja» časova zakryła miascovy aeraport, adnak praz 10 chvilin abmiežavańni byli źniaty.
«Nižniakamsknaftachim» — bujnoje naftachimičnaje pradpryjemstva, jakoje vypuskaje sintetyčnyja kaŭčuki, palimiery i inšuju chimičnuju pradukcyju. Jaho materyjały vykarystoŭvajuć u tym liku i na abaronnych pradpryjemstvach.
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary
[Zredahavana]