Zvolnili kiraŭnika pradpryjemstva, jakoje vybiraje miesca pad mohilnik dla radyjeaktyŭnych adkidaŭ
Dziaržaŭnaje pradpryjemstva, jakoje zajmajecca vybaram miesca dla budaŭnictva schovišča radyjeaktyŭnych adkidaŭ u Biełarusi, zastałosia biez kiraŭnika, zaŭvažyŭ «Fłahštok».
2 krasavika kalektyŭ pradpryjemstva «BiełRAA» raźvitaŭsia sa svaim dyrektaram Dźmitryjem Łohvinym. Pryčyny jaho zvalnieńnia nie raskryvajucca, taksama niama infarmacyi, ci atrymaŭ jon novuju pasadu. Paviedamlajecca tolki, što supracoŭniki pažadali jamu pośpiechaŭ u dalejšaj pracy.
Dźmitryj Łohvin. Fota: STB
Ciapier pasada kiraŭnika pradpryjemstva zastajecca vakantnaj. Heta adbyłosia ŭ važny pieryjad, kali jakraz idzie vybar miesca dla budučaha schovišča radyjeaktyŭnych adkidaŭ.
Siarod mahčymych varyjantaŭ razhladajucca niekalki rajonaŭ: Chojnicki ŭ Homielskaj vobłaści, Mścisłaŭski ŭ Mahiloŭskaj i Astraviecki ŭ Hrodzienskaj.
Raniej Łohvin asabista naviedvaŭ usie hetyja rehijony i sustrakaŭsia ź miascovymi žycharami, tłumačačy im, što budučy abjekt budzie biaśpiečnym. Apošniaja takaja sustreča adbyłasia naprykancy sakavika ŭ Astraŭcy.
Pakul nieviadoma, chto ŭznačalić pradpryjemstva dalej i jak heta paŭpłyvaje na praces vybaru miesca dla budaŭnictva.
Čytajcie taksama:
Jadzierny mohilnik dla adkidaŭ ź BiełAES mohuć pabudavać u Homielskaj vobłaści
Stała viadoma, jak budzie vyhladać mohilnik dla radyjeaktyŭnych adkidaŭ u Biełarusi