Łukašenka paprasiŭ ADKB być «vielmi akuratnaj i karektnaj» u pracy z Armienijaj
Zajava Alaksandra Łukašenki prahučała na fonie praciahłaha kryzisu ŭ adnosinach pamiž Jerevanam i Arhanizacyjaj Dahavora ab kalektyŭnaj biaśpiecy.
Alaksandr Łukašenka siońnia sustreŭsia z hienieralnym sakratarom ADKB Taałatbiekam Masadykavym.
«Nam treba być bolš karektnymi i akuratnymi ŭ rabocie z Armienijaj. Vy viedajecie, što Armienija byccam by i nie padtrymlivaje rabotu ŭ ADKB, ale ŭ toj ža čas zastajecca ŭ arhanizacyi. Treba być vielmi karektnymi. U Armienii składanaja situacyja ŭ hetym płanie, asabliva ŭ elektaralny pieryjad. Vielmi niaprostaja situacyja», — skazaŭ jon.
Dniami śpikier parłamienta Armienii Alen Simanian zajaviŭ, što Armienija moža vyjści z ADKB i JEAES, kali Maskva budzie iści na abvastreńnie. Zajava stała adkazam na žorstkija patrabavańni z boku prezidenta Rasii Uładzimira Pucina padčas pieramoŭ z premjer-ministram Armienii Nikołam Pašynianam.