MZS zrabiła zajavu nakont błakavańnia na YouTube akaŭntaŭ praŭładnych ŚMI

«Źviartaje na siabie ŭvahu aburalnaja cišynia mižnarodnych struktur», — havorycca ŭ zajavie viedamstva.

Ministerstva zamiežnych spraŭ zrabiła zajavu nakont błakavańnia na YouTube akaŭntaŭ praŭładnych ŚMI.

«Hetyja miedyja źjaŭlajucca asnovaj infarmacyjnaha suvierenitetu krainy i majuć šmatmiljonnuju aŭdytoryju jak unutry Biełarusi, tak i za jaje miežami», — havorycca ŭ zajavie.

«Svaim rašeńniem YouTube faktyčna zabłakavaŭ dostup miljonaŭ hramadzian i suajčyńnikaŭ za miažoj da lehitymnaha, aficyjnaha kantentu. Heta hrubaje parušeńnie artykuła 19 Mižnarodnaha pakta ab hramadzianskich i palityčnych pravach AAN i bazavych pryncypaŭ ABSIE ŭ halinie svabody ŚMI.

Źviartaje na siabie ŭvahu aburalnaja cišynia mižnarodnych struktur.Tyja ź ich, jakija tradycyjna apieratyŭna i hučna zajaŭlajuć pra lubyja, navat samyja sprečnyja, vypadki «abmiežavańnia svabody słova» ŭ niepažadanych dla ich krainach, na hety raz demanstratyŭna maŭčać. Heta — kłasičny prykład zachodnich dvajnych standartaŭ: pravy čałavieka majuć značeńnie tolki tady, kali havorka idzie pra zručnaje dla Zachadu mierkavańnie», — havorycca ŭ zajavie.

MZS kaža, što biełaruski bok detalova vyvučaje ŭsie abstaviny i pakidaje za saboj prava adreahavać adpaviednym čynam — «usimi dastupnymi srodkami ŭ ramkach nacyjanalnaha zakanadaŭstva i mižnarodnaha prava».

Kamientary da artykuła