Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
Kiraŭnik Biełaruskaha tavarystva palaŭničych i rybałovaŭ, były ministr unutranych spraŭ Ihar Šunievič daŭ intervju vydańniu Times.by, u jakim paviedamiŭ, jakaja adzinaja meta była ŭ tavarystva i ŭ jaho asabista, kali jany łabiravali dazvoł palavańnia na čyrvanaknižnych miadźviedziaŭ i rysiaŭ.
Pa słovach Šunieviča, mienavita Biełaruskaje tavarystva palaŭničych i rybałovaŭ dabiłasia taho, što miadźviedź i ryś stali palaŭničymi vidami.
Ale tolki z adnoj metaj: kab dać bolš svabody palaŭničym u vybary zdabyčy ci trafieja.
Heta było zroblena, jak śćviardžaje Šunievič, tolki paśla taho, jak stała zrazumieła, što kolkaści hetych žyvioł ničoha nie pahražaje.
«A abmiežavańni, na maju dumku, lubyja nieabhruntavanyja, jany niedarečnyja tut, pakolki jany adyhryvajuć strymlivajučuju rolu ŭ raźvićci palaŭničaj industryi, jakaja siońnia, jak ščyhrynavaja skura, skurčyłasia, — ličyć kiraŭnik arhanizacyi. — Ciapier jość prablemy sa zbrojaj, patronami, zakryvajucca kramy. I heta drenna. Ad hetaha sacyjalnaha fienomiena, palavańnia, my nikudy nie sydziem. A ja abaviazany jaho raźvivać. Heta maja zadača siońnia».
Pry hetym jość u jaho i dobryja naviny — usio bolš cikavaści da palavańnia prajaŭlajuć žančyny, i nie tolki dziela taho, kab pravodzić čas na pryrodzie:
«Na majo ščaście i maju vialikuju radaść, siońnia ŭ palavańnie prychodziać žančyny, — havoryć Šunievič. — My stvarajem dla hetaha ŭmovy ŭ vyhladzie roznych ilhot, u vyhladzie akna mahčymaściaŭ pa kolkaści palavańniaŭ, vidach palavańniaŭ. My supravadžajem hetyja pracesy. I źjaŭlajucca trafiejnyja palaŭničyja, jakija nie prosta na palavańnie prychodziać, — jany chočuć zdabyć dobryja trafiei».
Šunievič: Pieršy siezon palavańnia na rysiaŭ skončyŭsia poŭnym pravałam
Uładalnicaj pieršaj žanočaj palaŭničaj premii stała žonka Ihara Šunieviča
«Heta i jość korań usich našych bied». Šunievič uziaŭsia za jehieraŭ — źbirajecca abmiežavać ich paŭnamoctvy i źmianić praviły palavańnia
Arhanizacyja, jakoj kiruje Šunievič, pachvaliłasia čarhovym zabojstvam — čyrvanaknižnaj rysi
Za prava zabić čarhovaha miadźviedzia palaŭničy zapłaciŭ bolš za 117 tysiač rubloŭ
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ67
Kamientary
" ochotnikov " . Chaj sabie licenzija budzie kaštavać vialikija hroši . Alež sa ŭsiaho śvietu źjeduca žadajučyja . Voś tady heta budzie spraviadliva. Žadaješ palavać na žyvioł, viedaj niechta paluje na ciabie . Adrenalin z vušej paciače )
I heta čałaviek, jaki pracavaŭ u achovie praŭ hramadzian. Prydumvaje adhavorki, jak kryminalnik z zaležnaściu, aby prahnuć sistemu pad svaje azartnyja chaciełki.