Hruzavyja ciahniki ŭ kirunku Oršy puścili ŭ abychod Minska

Uviali ŭ ekspłuatacyju elektryfikavany ŭčastak čyhunki Michanavičy — Hatava. U paniadziełak, 6 krasavika, pa im prajšoŭ pieršy hruzavy ciahnik na elektraciazie. Heta dazvolić pieranakiroŭvać hruzavyja sastavy, jakija iduć pa maršrucie Asipovičy — Orša, u abychod Minska, paviedamlaje pres-słužba BČ.

Zdymak ilustracyjny. Fota: rw.by

Pieršy hruzavy ciahnik, jaki prajšoŭ pa novaj linii, važyŭ kala 5,3 tysiačy ton i składaŭsia z 57 vahonaŭ z ekspartnymi kalijnymi ŭhnajeńniami.

Na Biełaruskaj čyhuncy adznačajuć, što raboty na ŭčastku Michanavičy — Hatava stali zaviaršalnym etapam elektryfikacyi Minskaha čyhunačnaha vuzła. Padčas budaŭnictva vykarystoŭvali ŭ asnoŭnym ajčynnyja materyjały i abstalavańnie biełaruskich pradpryjemstvaŭ.

Novy maršrut dazvolić pamienšyć kolkaść hruzavych ciahnikoŭ, jakija prachodziać praz hustanasielenyja rajony Minska, prykładna na 20%. U vyniku heta pavinna palepšyć pracu techniki i stan navakolnaha asiarodździa ŭ rehijonie.

Kamientary da artykuła