U Instagram źjaviłasia mahčymaść redahavać kamientary
U sacsietcy Instagram źjaviłasia novaja funkcyja — mahčymaść redahavać kamientaryi paśla ich publikacyi.
Zdymak ilustracyjny. Fota: «Naša Niva»
Ciapier karystalniki nie abaviazanyja vydalać kamientar, kali zrabili ŭ im sensavuju abo hramatyčnuju pamyłku — jaho možna prosta adredahavać u samoj halincy abmierkavańnia. Praŭda, zrabić heta možna budzie tolki na praciahu 15 chvilin paśla publikacyi.
Paśla ŭniasieńnia źmienaŭ kala kamientaryja budzie źjaŭlacca paznaka «adredahavana». Pry hetym historyja źmienaŭ nie pakazvajecca — bačny tolki finalny varyjant tekstu.
Abnaŭleńnie ŭkaraniajecca pastupova i stanie dastupnym usim karystalnikam u najbližejšyja tydni.