Iran patrabuje dla pačatku pieramoŭ z ZŠA spynić ahoń u Livanie i razbłakavać iranskija aktyvy
Iran zaniaŭ žorstkuju pazicyju pierad pieramovami z ZŠA i faktyčna pastaviŭ umovy dla ich pačatku, piša The Moscow Times.
Fota: Fatemeh Bahrami/Anadolu via Getty Images
Tehieran patrabuje, kab pierad pačatkam dyjałohu byŭ spynieny ahoń u Livanie i razbłakavanyja iranskija aktyvy, jakija znachodziacca za miažoj pad sankcyjami. U vypadku, kali izrailskaja vajennaja apieracyja ŭ Livanie praciahniecca, Iran pahražaje naohuł admovicca ad pieramoŭ.
Pieramovy zapłanavanyja na 11 krasavika ŭ Pakistanie, jaki vystupaje pasiarednikam. Adnak užo ciapier vidać, što baki pa-roznamu razumiejuć umovy niadaŭniaha pieramirja. ZŠA i Iran damovilisia na dva tydni spynić uzajemnyja ŭdary, ale Iran ličyć, što heta pavinna raspaŭsiudžvacca i na Livan. U svaju čarhu, ZŠA śćviardžajuć, što Livan u hetyja damoŭlenaści nie ŭvachodziŭ.
Tamu Izrail, jaki dałučyŭsia da pieramirja, praciahvaje apieracyju suprać «Chiezbały» ŭ Livanie. Heta vyklikaje niezadavolenaść Irana, jaki ličyć takija dziejańni parušeńniem ahulnaj łohiki damoŭlenaściaŭ.
Dadatkovaj krynicaj napružańnia stała situacyja vakoł Armuzskaha praliva. ZŠA abvinavačvajuć Iran u tym, što jon patrabuje płatu z naftavych tankieraŭ za prachod, što supiarečyć damoŭlenaściam i stvaraje ryzyki dla suśvietnaha rynku nafty. Iran, u svaju čarhu, vykarystoŭvaje heta jak instrumient cisku.
Rytoryka bakoŭ zastajecca vielmi žorstkaj. Amierykanski bok adkryta krytykuje Iran i abvinavačvaje jaho ŭ šantažy, a iranskija ŭłady papiaredžvajuć pra mahčymy adkaz u vypadku dalejšych udaraŭ pa Livanie.
Čytajcie taksama:
Tramp zapatrabavaŭ ad Irana spynić spahaniać płatu za prachod sudnaŭ praz Armuzski praliŭ
Tramp zajaviŭ, što dziejańni Irana ŭ Armuzskim pralivie nie adpaviadajuć damoŭlenaściam
Tramp dazvolić Pucinu praciahvać handlavać naftaj biez abmiežavańniaŭ praz adsutnaść miru ź Iranam
«Bolš chaosu, čym stratehii». Što pišuć u amierykanskich ŚMI pra spynieńnie ahniu ź Iranam