Tramp dazvolić Pucinu praciahvać handlavać naftaj biez abmiežavańniaŭ praz adsutnaść miru ź Iranam
ZŠA najbližejšym časam abvieściać pra praciahnieńnie dazvołu na prodaž padsankcyjnaj rasijskaj nafty, paviedamlaje Semafor sa spasyłkaj na blizkija da amierykanskaha Minfina i Dziarždepa krynicy.
Pavodle ich słoŭ, toje ž samaje budzie zroblena i ŭ adnosinach da paliva ź Irana. Pry hetym surazmoŭcy vydańnia nie ŭdakładnili, na jaki termin ułady ZŠA praciahnuć dazvoły dla Maskvy i Tehierana.
Amierykanski Minfin u sakaviku na adzin miesiac — da 11 krasavika — vyvieŭ z-pad sankcyj ekspart rasijskaj nafty i naftavych praduktaŭ, jakija ŭžo byli zahružany na karabli. Takoje ž pasłableńnie było zroblena i dla nafty Irana, jakaja znachodziłasia ŭ mory.
Ministr finansaŭ ZŠA Skot Biesent adznačaŭ, što meta hetych mier — umacavać stabilnaść na suśvietnych enierhietyčnych rynkach, ceny na jakich vyraśli z-za vajny ŭ Iranie. Jon taksama padkreśliŭ, što časovaje źniaćcie sankcyj «nie pryniasie istotnaj finansavaj vyhady rasijskamu ŭradu, jaki atrymlivaje bolšuju častku svaich enierhietyčnych dachodaŭ ad padatkaŭ, uziatych na miescy zdabyčy».
Pry hetym, pa danych Minekanamraźvićcia RF, siaredniaja cana rasijskaj nafty Urals paśla časovaha źniaćcia sankcyj u sakaviku vyrasła da maksimalnaha ŭzroŭniu z kastryčnika 2023 hoda — $77 za baral. Heta na 73% bolš, čym u lutym ($44,59 za barel), a taksama vyšej za zakładzieny ŭ biudžet siaredniehadavy ŭzrovień u $59 za baral, piša Moscow Times.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki16
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
Ale dachody biudžetu i aliharchaŭ biarucca z ekspartu nafty i hazu.
Ciapier dachody ruchnuli napałovu z-za admovy Jeŭropy brać enierhanośbity z Rasii, ale Tramp starajecca rasijskija dachody adradzić - zabłakavaŭ vieniesuelskuju naftu, paśla pačaŭ vajnu na Blizkim Uschodzie, ciapier sprabuje zalić śviet naftaj z Rasiei na umovach manapolnaha handlu.
I starajeiecca pačać vajnu ŭ rajonie narviežskaj zdabyčy vuhlevadarodaŭ - ŭ Hrynłandyi.