Tramp zapatrabavaŭ ad Irana spynić spahaniać płatu za prachod sudnaŭ praz Armuzski praliŭ
«Im lepš hetaha nie rabić, a kali jany heta robiać, im lepš nieadkładna spynić!»
Iran pavinien «nieadkładna spynić» brać płatu z sudnaŭ za prachod praz praliŭ, zajaviŭ prezident ZŠA.
«Im lepš hetaha nie rabić, a kali jany heta robiać, im lepš nieadkładna spynić!» — napisaŭ kiraŭnik Biełaha doma ŭ svajoj sacsietcy Truth Social.
Jon taksama adznačyŭ, što Tehieran tym samym parušaje damoŭlenaść pra dvuchtydniovaje pieramirje.
«Iran robić vielmi drennuju pracu, jakuju niekatoryja nazvali b haniebnaj. Heta nie toje pahadnieńnie, jakoje ŭ nas jość!» — padkreśliŭ jon.
U paźniejšym paviedamleńni Tramp zapeŭniŭ, što nieŭzabavie pačniecca rost pastavak nafty ź Blizkaha Uschodu. «Vielmi chutka vy ŭbačycie, jak nafta pačnie pastupać — z dapamohaj Irana abo biez, i dla mianie heta ŭ lubym vypadku nie maje značeńnia», — napisaŭ jon.
Raniej pradstaŭnik Sajuza eksparcioraŭ nafty, hazu i naftachimičnaj pradukcyi Irana Chamid Chasiejni zajaviŭ, što padčas pieramirja z ZŠA Iran budzie patrabavać ad sudnachodnych kampanij płacić pa 1 dalary za kožny baral nafty ŭ tankierach, jakija prachodziać praz Armuzski praliŭ.
Pry hetym apłata pavinna budzie ažyćciaŭlacca ŭ Bitcoin, što dazvolić schavać tranzakcyi i paźbiehnuć ryzyki sankcyj dla sudnaŭładalnikaŭ. Tankier, jaki idzie biez hruzu, zmoža prachodzić praliŭ biaspłatna.
-
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
-
Śpiavačka Łalita na kancercie maciuknułasia prosta ŭ mikrafon, kali prylacieli ŭkrainskija drony VIDEA
-
Tramp nie paviedamlaŭ Litvie pra namier zaklučyć z Łukašenkam pahadnieńnie pa ŭhnajeńniach
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary