Hurski i Hubaraŭ zakryvajuć biznes u Polščy

Adzin z samych viadomych biełaruskich vienčurnych inviestaraŭ Juryj Hurski i jaho partnior Alaksiej Hubaraŭ likvidujuć varšaŭskaje padraździaleńnie svajoj inviestycyjnaj kampanii Palta, piša ekanamičny ahladalnik Vadzim Siachovič.

Juryj Hurski, skrynšot videa

Finansavaje stanovišča Palta Poland ciažka było nazvać biazchmarnym jašče dva hady tamu. U 2024 hodzie kampanija prasieła amal na 40% pa vyručcy (da 9 młn złotych — 2,2 młn jeŭra) i stała stratnaj (krychu bolš za 95 tys. złotych). Za 2025 hod pakul dadzienych niama, ale, miarkujučy pa likvidacyi, situacyja nie palepšyłasia.

Na siońnia zastalisia Palta na Kajmanavych astravach i kiprskaja jurydyčnaja asoba Palta Group, zarehistravanaja ŭ pačatku minułaha hoda ŭ Limasole. Na jaje aficyjnym sajcie ŭ pieraliku aktyvaŭ pa-raniejšamu fihurujuć Flo Health i Simple, a taksama Zing Coach, Lovi i «viečnaja» Prisma Lab.

Kamientary da artykuła