Astranaŭtku z «Artemidy-2» sustrakała nie tolki siamja, ale i lubimy sabaka VIDEA
Videa z udziełam astranaŭtki NASA Kryściny Kuk ź misii «Artemida-2» stała virusnym u sacyjalnych sietkach i sabrała bolš za 1,1 miljona padabajek.
Skrynšot ź videa
Paśla viartańnia na Ziamlu razam z tryma kalehami z histaryčnaha ablotu Miesiaca 47‑hadovuju astranaŭtku doma čakali jaje rodnyja i lubimy sabaka pa mianušcy Sedzi. Mienavita sustreča z hadavancam trapiła na kamieru videanazirańnia i była apublikavanaja samoj Kuk u instahramie.
Na kadrach vidać, jak sabaka, pačuŭšy znajomy hołas haspadyni, imhnienna biažyć da dźviarej i emacyjna sustrakaje jaje paśla doŭhaj adsutnaści. Videa vyklikała vialiki vodhuk u internecie — karystalniki pakidali tysiačy kamientaryjaŭ i dzialilisia rolikam.
Paźniej astranaŭtka taksama apublikavała dadatkovaje videa, dzie jana hulaje z Sedzi na plažy. U abodvuch kadrach jany vyhladajuć vielmi ščaślivymi, i hety momant mnohija karystalniki ŭspryniali jak nahadvańnie, što časta najbolš radaści prynosiać samyja prostyja rečy i blizkija istoty.
Čytajcie taksama:
Ekipaž misii «Artemida-2» paŭtaryŭ znakamity zdymak Ziamli