Trochhadovaj Ksiušy zastałosia sabrać usiaho 4% ad sumy na supierdarahija leki. Ale zbor spyniŭsia
Na instahram-staroncy chvoraj na SMA trochhadovaj Ksiušy Maisiejenki z mahiloŭskaha dzietdoma źjaviŭsia adčajny post. Zbor, jaki tak dobra pačynaŭsia i tempy jakoha davali nadzieju, spyniŭsia, kali da dasiahnieńnia mety zastajecca zusim ničoha — 69 tysiač dalaraŭ, ci 4% ad patrebnaj sumy.
«Zastałosia ŭsiaho 4%. 4% pamiž žyćciom i vyratavańniem. 4% pamiž nadziejaj i pustatoj.
Ksiuša vieryć. Kožny dzień jana hladzić u akno z nadziejaj i čakaje. Čakaje, što my nie padviadziom.
Ale zbor spyniŭsia.
Nibyta ŭsie zabylisia… Nibyta jaje cichija ślozy nichto nie bačyć… nibyta ŭžo nichto nie vieryć, što vyratavać jaje realna… Nibyta jaje «Darosłyja, ja chaču žyć» — heta prosta šept u ciemry…», — napisana na staroncy.
U Ksiušy redkaje hienietyčnaje zachvorvańnie — śpinalnaja myšačnaja atrafija 2‑ha typu. Nazaŭsiody spynić chod chvaroby, jakaja pastupova adbiraje ŭsie navyki, moža adzin ukoł, ale jon kaštuje ažno 1,8 miljona dalaraŭ.
Času ŭ zapasie niašmat: u Biełarusi preparat «Zołhiensma» ŭvodziać dzieciam vahoj da 13,5 kiłahrama. U Dubai hatovy ŭvieści preparat, kali dzicia važyć da 21 kiłahrama.
Infarmacyju, jak dapamahčy Ksiušy, možna znajści tut
Čytajcie taksama:
Siła biełarusaŭ. Za niekalki dzion ludzi sabrali dla trochhadovaj Ksiušy 500 tysiač dalaraŭ
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci