Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień

Jak paviedamlajuć vałanciory, za 4 dni dla Ksiušy Maisiejenka z Mahilova sabrali 523 461 dalar. Takich tempaŭ zboru ŭ Biełarusi, vidać, nie było. Ale zastałosia sabrać jašče šalonuju sumu — kala 1,3 młn dalaraŭ.

«Ksiuša budzie žyć. Zaraz heta nie nadzieja — heta abiacańnie. Jana zmoža dychać. Zmoža ŭśmichacca. Zmoža adnojčy ŭstać na nožki i abniać taho, chto stanie joj siamjoj. Dziakuj, što nie prachodzicie mima. Za toje, što dorycie joj budučyniu. Vy — anioły, jakich jana jašče nie viedaje, ale jakija ŭžo źmianili jaje žyćcio nazaŭždy. My praciahvajem zmahacca za jaje. I ciapier upeŭnieny, što my pieramožam», — pišuć vałanciory.

Posmotrieť etu publikaciju v Instagram

Publikacija ot Ksiuša Maisiejenko SMA - 2 tipa (@ksuschamaiseenko_sma)

Ksiušy Maisiejency try z pałovaj hady. U 2024 hodzie Ksiušy pastavili dyjahnaz śpinalnaja myšačnaja atrafija druhoha typu (SMA). Heta redkaja hienietyčnaja chvaroba, pry jakoj pastupova hinuć niejrony, što adkazvajuć za ruch.

Myšcy stanoviacca ŭsio słabiejšymi. Dzicia stračvaje siłu, spačatku ŭ rukach i nahach, potym stanovicca ciažka siadzieć, trymać hałavu, hłytać ježu, dychać. I paśla — śmierć.

U śviecie jość leki, jakija mohuć spynić chvarobu. Heta hiennaja terapija Zolgensma, badaj, samyja darahija leki ŭ śviecie. Dzicia vylečvajecca litaralna ad adnaho ŭkołu. Prablema ŭ tym, što ich košt — kala $1,8 miljona. A biełaruskaja dziaržava pakul nie hatovaja ŭklučyć vyratavańnie dziaciej z SMA ŭ prahramu biaspłatnaj miedycyny.

Admietnaść situacyi Ksiušy ŭ tym, što jana žyvie ŭ mahiloŭskim dziciačym domie. Jaje baćka pamior. A mama nie spraviłasia ź ciažaram situacyi i zdała dziaŭčynku ŭ dziaržaŭnuju ŭstanovu.

Dapamohi ad baćkoŭ čakać nie vypadaje, ale za Ksiušu zmahajucca inšyja ludzi. Vakoł Ksiušy chutka źjaviłasia supołka vałancioraŭ. Jany stvaryli čaty, hrupy i staronki ŭ sacsietkach, dzie kaardynujuć dapamohu.

Havorka nie tolki pra zbor hrošaj. Chtości dapamahaje z raspaŭsiudam infarmacyi. Chtości šukaje fondy i arhanizacyi. Chtości hatovy pisać listy kampanijam. Chtości prapanuje arhanizavać dabračynnyja akcyi.

U čatach pastajanna źjaŭlajucca novyja idei. Naprykład, u Połacku na 14 sakavika zapłanavanaja dabračynnaja akcyja ŭ piceryi: častka hrošaj z prodažu picy pojdzie na dapamohu Ksiušy.

Inšyja prapanujuć zrabić čelendž u sacsietkach, naprykład, admovicca ad kavy, sałodkaha abo niejkich pakupak na niekalki tydniaŭ, a zekanomlenyja hrošy pieraličyć na zbor.

Chtości robić videa dla sacsietak, u tym liku na anhlijskaj movie.

«My budziem trymać vas u kursie kožnaha kroku, kožnaj naviny pra Ksiušy. Tamu što vy ciapier častka jaje siamji, jaje vyratavalniki, jaje nadzieja», — pišuć vałanciory.

U Biełarusi hety ŭkoł možna zrabić tolki pakul dzicia važyć da 13,5 kiłahrama. Ksiuša zaraz važyć kala 12,9 kh. Heta značyć, što času zastajecca ŭsio mienš. Mienavita tamu zbor nazyvajuć zvyšterminovym.

Rekvizity dla dapamohi

MTS (papaŭnieńnie bałansa): +375292375886

Biełarusbank:

BYN: BY21 AKBB 3134 0000 0237 7007 0000

USD: BY45 AKBB 3134 1000 0149 9007 0000

EUR: BY03 AKBB 3134 2000 0128 5007 0000

RUB: BY46 AKBB 3134 3000 0142 1007 0000

Pavialičyć

• 0
• 1
• 0
• 0
• 1
• 0
• 0
• 1