U Rasii rok-muzyku ledź nie zatrymali za padabienstva da ŭkrainskaha žurnalista Hardona
Na vakzale ŭ Sankt-Pieciarburhu adbyłasia pamyłka sistemy raspaznavańnia tvaraŭ: jana pryniała rasijskaha rok-muzyku, lidara hurta «Svaboda važniejšaja za modu» Dźmitryja Halaminskich za ŭkrainskaha žurnalista Dźmitryja Hardona, paviedamlaje Meduza.
Dźmitryj Halaminskich. Fota: t.me/svmband
Incydent adbyŭsia na Maskoŭskim vakzale. Palicyja zatrymała muzyku, bo sistema vyznačyła jaho jak čałavieka, jaki znachodzicca ŭ vyšuku. Adnak paśla pravierki vyśvietliłasia, što heta zusim inšy čałaviek, i jaho adpuścili. Pryčynaj nazvali źniešniaje padabienstva.
Sam Dźmitryj Halaminskich raskazaŭ, što prosta išoŭ pa vakzale, kali da jaho padbiehli supracoŭniki i zatrymali. Pavodle jaho słoŭ, adzin z palicejskich navat praviaraŭ vałasy i ščacińnie na padbarodździ, kab upeŭnicca, što heta nie maskiroŭka. U vyniku muzyku adpuścili, i jon paśpieŭ na ciahnik.
Źvierchu Dźmitryj Hardon, źnizu Dźmitryj Halaminskich. Fota: t.me/svmband
U rasijskim MUS zajavili, što heta pieršy padobny vypadak pamyłki sistemy, i padkreślili, što ničoha surjoznaha nie adbyłosia — čałavieka prosta pravieryli i adpuścili.
Viadomy ŭkrainski žurnalist Dźmitryj Hardon u Rasii abvieščany ŭ vyšuk. Raniej sud zavočna prysudziŭ jamu 14 hadoŭ kałonii, abvinavaciŭšy ŭ apraŭdańni teraryzmu, zaklikach da ahresiŭnaj vajny i raspaŭsiudzie niedakładnaj infarmacyi pra dziejańni rasijskaj armii.
Čytajcie taksama:
Słužba biaśpieki Ukrainy zajaviła, što praduchiliła čarhovy zamach na žurnalista Dźmitryja Hardona
Hardon zajaviŭ, što histaryčnaja sustreča Trampa i Pucina pa Ukrainie sarvałasia
Dźmitryj Hardon atrymaŭ 14 hadoŭ kałonii ad rasijskaha suda — u tym liku za zvarot da biełarusaŭ