Słužba biaśpieki Ukrainy zajaviła, što praduchiliła čarhovy zamach na žurnalista Dźmitryja Hardona
Jak paviedamiŭ kiraŭnik SBU Vasil Maluk, ukrainskim śpiecsłužbam udałosia vykryć dźvie sietki, jakija zajmalisia padrychtoŭkaj zamachu na viadomaha ŭkrainskaha žurnalista Dźmitryja Hardona.
Pieršaja ź ich — heta hrupa, jakuju ŭznačalvaŭ były narodny deputat ad Partyi rehijonaŭ Vital Hrušeŭski. Jon užo znachodzicca pad vartaj. Pavodle infarmacyi SBU, złačyncy płanavali vykarystać samarobnaje vybuchovaje prystasavańnie abo nanieści ŭdar dronam pa Hardonu.
Druhaja — dahiestanskaja etnična-kryminalnaja hrupoŭka, jakaja dziejničała ŭ intaresach FSB Rasii. Jaje lidar źbiraŭ infarmacyju pra maršruty pieramiaščeńnia Hardona, miescy jaho znachodžańnia i pražyvańnia. Kali b žurnalist byŭ biez achovy, jaho płanavali zabić z karotkaj ahniastrelnaj zbroi; kali ž z achoŭnikam — to z aŭtamata, a paśla dabić pistaletam.
Abiedźvie hrupy ŭžo zatrymanyja, i padazravanyja dajuć pakazańni. Pavodle słoŭ Maluka, lidar dahiestanskaj hrupoŭki pryznaŭ svaju suviaź z rasijskimi śpiecsłužbami i ŭdzieł u padrychtoŭcy zamachu na Hardona. Za vykanańnie zabojstva FSB abiacała im $400 000, śćviardžaje SBU.
U Biełarusi pa zajavie HUBAZiKa ŭsie akaŭnty ŭkrainskaha žurnalista Dźmitryja Hardona na ŭsich płatformach pryznanyja ekstremisckimi materyjałami, u tym liku i intervju z Łukašenkam.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary