Pryznali «ekstremisckim» stary film «Žyvie Biełaruś!»

Rašeńnie ab pryznańni «ekstremisckim» kaliści našumiełaha filma «Žyvie Biełaruś!», jaki vyjšaŭ u 2012 hodzie, było pryniata 14 krasavika sudom Homielskaha rajona, piša «Viasna».

Kadr ź filma «Žyvie Biełaruś!»

Film «Žyvie Biełaruś!» źniaŭ polski režysior Kšyštaf Łukaševič pa scenaryi ciapierašniaha hałoŭnaha daradcy Śviatłany Cichanoŭskaj Franaka Viačorki. Premjera karciny adbyłasia ŭ 2012 hodzie na Kanskim kinafiestyvali, a hałoŭnuju rolu ŭ joj vykanaŭ biełaruski chip-chop artyst Vinsent (Dźmitryj Papko).

Siužet filma achoplivaje padziei ŭ Biełarusi ŭ pieryjad z 2009 da 2010 hoda i pryśviečany palityčnaj situacyi ŭ krainie.

Taksama «ekstremiscki śpis» hetym razam papoŭnili:

• staronki ŭ instahramie «Jaen [Džiejn]», belhelcom_org, cyberbeaver_help, aleksandra_dojnicz, thekrama.store, center_for_civil_liberties, belarusianyounggreens, «roznyjarounyja (Roznyja-Roŭnyja)», «young.people.rlus (Maładyja Ludzi +)»;
• staronka ŭ fejsbuku «BRC / Biełaruski rasśledavalnicki centr»;
• staronka ŭ tyktoku Raman Hladkikh;
• staronka ŭ telehramie Studfreedom | Belarus.

Kamientary da artykuła