Прызналі «экстрэмісцкім» стары фільм «Жыве Беларусь!»

Рашэнне аб прызнанні «экстрэмісцкім» калісьці нашумелага фільма «Жыве Беларусь!», які выйшаў у 2012 годзе, было прынята 14 красавіка судом Гомельскага раёна, піша «Вясна».

Кадр з фільма «Жыве Беларусь!»

Фільм «Жыве Беларусь!» зняў польскі рэжысёр Кшыштаф Лукашэвіч па сцэнарыі цяперашняга галоўнага дарадцы Святланы Ціханоўскай Франака Вячоркі. Прэм’ера карціны адбылася ў 2012 годзе на Канскім кінафестывалі, а галоўную ролю ў ёй выканаў беларускі хіп-хоп артыст Vinsent (Дзмітрый Папко).

Сюжэт фільма ахоплівае падзеі ў Беларусі ў перыяд з 2009 да 2010 года і прысвечаны палітычнай сітуацыі ў краіне.

Таксама «экстрэмісцкі спіс» гэтым разам папоўнілі:

• старонкі ў інстаграме «Jaen [Джейн]», belhelcom_org, cyberbeaver_help, aleksandra_dojnicz, thekrama.stоre, center_for_civil_liberties, belarusianyounggreens, «roznyjarounyja (Розныя-Роўныя)», «young.people.рlus (Маладыя Людзi +)»;
• старонка ў фэйсбуку «БРЦ / Беларускi расследавальнiцкi цэнтр»;
• старонка ў тыктоку Raman Hladkikh;
• старонка ў тэлеграме Studfreedom | Belarus.

Каментары да артыкула