Pra žyvioł na darohach pačnie papiaredžvać štučny intelekt

U Biełarusi płanujuć vykarystoŭvać sistemu sa štučnym intelektam, jakaja budzie papiaredžvać kiroŭcaŭ pra žyvioł na darohach. Heta raspracoŭka śpiecyjalistaŭ pradpryjemstva «Biełsuviaź». Jaje hałoŭnaja meta — źmienšyć kolkaść avaryj, źviazanych z vychadam dzikich žyvioł na prajeznuju častku, paviedamlaje News.by.

Zdymak ilustracyjny. Fota: freepik.com

Sistema pracuje z dapamohaj infračyrvonych datčykaŭ i kamier, jakija navučanyja raspaznavać siłuety žyvioł. Kali pobač z darohaj źjaŭlajecca źvier, sistema fiksuje heta i pieradaje sihnał na darožnyja tabło. U vyniku kiroŭcy atrymlivajuć papiaredžańnie prykładna za 250 mietraŭ da niebiaśpiečnaha ŭčastka.

Technałohiju ŭžo pratestavali ŭ Rečyckim rajonie na trasie M-10, dzie časta sustrakajucca bujnyja žyvioły. Za čas vyprabavańniaŭ sistema zafiksavała dziasiatki takich vypadkaŭ, ale avaryj na hetym učastku nie adbyłosia.

Zaraz raspracoŭščyki praciahvajuć udaskanalvać sistemu, kab jana lepš pracavała ŭ roznych umovach nadvorja — padčas daždžu, śniehu i tumanu.

U najbližejšy čas takuju sistemu płanujuć ustalavać jašče na adnoj trasie ŭ Vałožynskim rajonie, a ŭ budučyni — pašyryć na inšyja darohi krainy.

Kamientary da artykuła