U Puchavickim rajonie čałaviek zahinuŭ, sprabujučy raźminucca z kazulaj
Avaryja zdaryłasia 15 krasavika kala 9:30 ranicy na darozie Puchavičy — Uzda — Nieharełaje.

Pavodle papiaredniaj infarmacyi, 70‑hadovy kiroŭca aŭtamabila Renault ruchaŭsia ŭ bok Uzdy i vyjechaŭ na sustrečnuju pałasu paśla taho, jak na darohu vybiehła dzikaja žyviolina — kazula.

Na sustrečnaj pałasie jon sutyknuŭsia z aŭtamabilem Infiniti, za rulom jakoha byŭ 44‑hadovy kiroŭca.

U vyniku sutyknieńnia kiroŭca Renault atrymaŭ ciažkija traŭmy i byŭ dastaŭleny ŭ balnicu, dzie paźniej pamior.
Kamientary