Kuba pasprabavała pieradać sakretny list asabista Trampu
List byŭ aformleny ŭ vyhladzie dypłamatyčnaj noty i mieŭ aficyjnuju kubinskuju piačatku.
Fota: Zed Jameson / Anadolu via Getty Images
Na minułym tydni ŭnuk byłoha kubinskaha lidara Raula Kastra źviarnuŭsia da bahataha havanskaha pradprymalnika z prośbaj dastavić sakretny list asabista prezidentu ZŠA Donaldu Trampu ŭ abychod zvykłych dypłamatyčnych kanałaŭ, paviedamlaje The Wall Street Journal sa spasyłkaj na amierykanskich čynoŭnikaŭ.
List byŭ aformleny ŭ vyhladzie dypłamatyčnaj noty i mieŭ aficyjnuju kubinskuju piačatku. U pasłańni Trampu prapanoŭvalisia ekanamičnyja i inviestycyjnyja pahadnieńni, a taksama źmiakčeńnie sankcyj. Taksama ŭ liście ŭtrymlivałasia papiaredžańnie ab tym, što kubinski režym rychtujecca da ŭvarvańnia ZŠA, dadaŭ amierykanski čynoŭnik.
Raniej Tramp nieadnarazova kazaŭ, što Kuba moža stać nastupnaj paśla Vieniesueły i Irana krainaj, na jakuju ZŠA źviernuć pilnuju ŭvahu.
Pierad tym Tramp zajaŭlaŭ pra namiery «ŭziać Kubu ŭ toj ci inšaj formie» i kazaŭ pra mahčymaść dziejańniaŭ u dačynieńni da krainy paśla inšych źniešniepalityčnych kanfliktaŭ. U adkaz prezident Kuby Mihiel Dyjas-Kaniel zajaviŭ, što kraina hatovaja supraciŭlacca ŭ vypadku ŭvarvańnia i budzie abaraniacca da kanca.
Taksama Vašynhton raspracoŭvaje płan vajskovaj apieracyi na vostravie.