U Mazyry zatrymali pravaabaroncu Uładzimira Cielapuna
Stała viadoma pra zatrymańnie mazyrskaha pravaabaroncy i hramadskaha aktyvista Uładzimira Cielapuna. Pavodle papiaredniaj infarmacyi, jaho ŭziali pad vartu niekalki dzion ci kala tydnia tamu, piša «Homielskaja viasna».
Uładzimir Cielapun
Miarkujecca, što Uładzimir Cielapun znachodzicca ŭ izalatary časovaha ŭtrymańnia Mazyrskaha RAUS. Dakładnyja pryčyny i pravavaja padstava dla jaho zatrymańnia pakul vyśviatlajucca.
Uładzimir Cielapun viadomy ŭ rehijonie svajoj dziejnaściu pa abaronie pravoŭ čałavieka, u tym liku prava na mirnyja schody. U 2019 hodzie jon taksama aktyŭna dapamahaŭ siemjam, jakija vychoŭvajuć dziaciej ź invalidnaściu, kali tyja adstojvali prava na pracu reabilitacyjnaha centru «Viasiołka».
Raniej Uładzimir Cielapun nieadnarazova zatrymlivaŭsia pa administracyjnych artykułach, apošni raz pra heta paviedamlałasia ŭ studzieni 2025 hoda.
Čytajcie taksama:
Stała viadoma, u čym abvinavačvajuć architekturnuju studyju ZROBIM architects
Staŭ viadomy prysud, vyniesieny baćku byłoha palitviaźnia Mikity Załatarova