Stała viadoma, u čym abvinavačvajuć architekturnuju studyju ZROBIM architects
Adzin ź jaje zasnavalnikaŭ, Andruś Bezdar, ciapier pad śledstvam.
U siužecie na STB paviedamili, što architekturnuju studyju ZROBIM architects abvinavačvajuć u «šerych» zarobkach i abychodzie padatkaŭ.
«Praviedzienym kompleksam apieratyŭna-vyšukovych mierapryjemstvaŭ ustanoŭlena, što značnaja častka vyručki, atrymanaja ad akazańnia pasłuh, nie adlustroŭvałasia ŭ buchhałtarskim uliku arhanizacyi. Kab nie pakidać śladoŭ, słužbovyja asoby asabista damaŭlalisia z zakazčykami pasłuh ab praviadzieńni apłat jak najaŭnymi hrašovymi srodkami, tak i z vykarystańniem kryptavaluty. Pry hetym kašalki stvaralisia fihurantami na biržach, jakija aficyjna nie zarehistravanyja ŭ Respublicy Biełaruś», — ahučyli pretenzii va ŭpraŭleńni Departamienta finansavych rasśledavańniaŭ KDK pa Minskaj vobłaści i Minsku.
U siužecie zajavili, što «nie mienš za 60% ad usich zarobkaŭ» supracoŭnikam biuro vypłačvali «ŭ kanviertach».
Suzasnavalnik studyi Andrej Makoŭski (Andruś Bezdar) ciapier pad śledstvam.
Andrej Makoŭski. Skrynšot videa STB
Druhi suzasnavalnik, Alaksiej Karabloŭ, žyvie ŭ ZŠA.
Firmu abvinavacili ŭ tym, što z 2021 pa 2025 hod jana atrymała niaŭličanaha prybytku na 6 miljonaŭ dalaraŭ. Sukupnuju škodu biudžetu krainy acanili ŭ bolš čym 5 miljonaŭ rubloŭ.
Kampanija praciahvaje pracavać.
U DFR paviedamili, što pravierki ŭ śfiery praciahnucca — zojmucca prajektnymi arhanizacyjami Minska i vobłaści, da jakich jość pytańni pa vypłacie padatkaŭ.
U ofis ZROBIM architects siłaviki prychodzili 9 i 10 krasavika. Kala 50 supracoŭnikaŭ biuro byli zatrymanyja, bolšaść paśla adpuścili.
U pačatku sakavika ŭ studyju prychodziŭ list ad dziaržorhanaŭ z patrabavańniem naniać u štat ideołaha.
Ciapier čytajuć
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary
słaboho naroda. Nacija kotoraja nie možiet śvierhnuť staruju kivajuŝuju hołovu— obriečien na stradanija. Kohda Biełarusy vyjdut plečom k pleču i star i mład, skinut svoj pozor i viernut čiełoviečieskoje dostoinstvo. Vot tohda i biźnies možno stroiť, sieḿji rastiť i žiť s podniatoj hołovoj. A nie byť udobnymi tierpiłami.