ZŠA rychtujucca brać na abardaž tankiery, źviazanyja ź Iranam

Pavodle infarmacyi vydańnia The Wall Street Journal sa spasyłkaj na amierykanskich čynoŭnikaŭ, ZŠA rychtujucca ŭzmacnić dziejańni suprać naftavych tankieraŭ, źviazanych ź Iranam.

Zdymak ilustracyjny. Fota: Ian Forsyth/Getty Images

Śćviardžajecca, što ŭ najbližejšyja dni vajskova-marskija siły ZŠA mohuć pačać vysadku na iranskija sudny ŭ mižnarodnych vodach i faktyčna zachoplivać ich. Meta hetych dziejańniaŭ — uzmacnić ekanamičny cisk na Iran i prymusić jaho pajści na sastupki ŭ pytańniach, źviazanych z Armuzskim pralivam i jadziernaj prahramaj.

Pad abmiežavańni mohuć trapić nie tolki sudny pad iranskim ściaham, ale i tyja, što, na dumku ZŠA, dapamahajuć Iranu — u tym liku tak zvany «cieniavy fłot», jaki vykarystoŭvajecca dla pieravozki nafty.

Paviedamlajecca, što z pačatku błakady amierykanskija siły ŭžo spynili bolš za dva dziasiatki handlovych sudnaŭ, prymušajučy ich viarnucca nazad. Adnak dahetul jany nie pravodzili vysadku na bort.

Situacyja ŭ rehijonie zastajecca napružanaj. Iran spačatku abviaściŭ ab adkryćci Armuzskaha praliva dla sudnachodstva, ale chutka adnaviŭ nad im vajskovy kantrol, abvinavaciŭšy ZŠA ŭ ahresiŭnych dziejańniach.

U vyniku ŭ pralivie faktyčna skłałasia dvajnaja błakada — z boku ZŠA i Irana, što stvaraje ryzyku dalejšaj eskałacyi i ŭpłyvaje na mižnarodnyja marskija pieravozki.

Kamientary da artykuła