Viarchoŭny lidar Irana zajaviŭ pra hatoŭnaść krainy «znoŭ nanieści parazu praciŭnikam»
«Isłamskaja armija zaraz mužna abaraniaje naležnyja joj ziamlu, vadu i ściah, dakładna tak ža, jak jana heta rabiła ŭ dźviuch papiarednich naviazanych vojnach», — zajaviŭ Madžtaba Chamieniei.
«Abapirajučysia na mahutnuju padtrymku Boha i naroda, abjadnaŭšysia ŭ zładžanyja šerahi i stojačy pobač sa svaimi tavaryšami ź inšych uzbrojenych sił, jana zmahajecca ź dźviuma viadučymi armijami niavierja i pychi. I Isłamskaja armija prademanstravała śvietu słabaść i prynižeńnie hetych armij. Iranskaja armija pa-raniejšamu abaraniaje našu ziamlu i terytaryjalnyja vody krainy. Vajenna-marskija siły isłamskaj respubliki hatovy nanieści praciŭnikam novuju horkuju parazu», — zajaviŭ viarchoŭny lidar Irana.
Madžtaba Chamieniei paśla ranieńnia, jakoje, mierkavana, jon atrymaŭ padčas avijaŭdaru 28 lutaha, nie źjaŭlajecca na publicy, ale paviedamlajecca, što jon zachoŭvaje jasnaść rozumu i ŭdzielničaje ŭ klučavych rašeńniach.
Paviedamlałasia, što mienavita jon prymaŭ rašeńni pa damovie z ZŠA 7 krasavika.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary