«Tramp nie vykanaŭ svaich abaviazacielstvaŭ, tamu Armuzski praliŭ znoŭ zakryty, i dla prachodu patrabujecca zhoda Irana», — Centralnaje kamandavańnie Irana.
Taksama pra toje, što Iran viarnuŭ vajenny kantrol nad Armuzskim pralivam, zajaviŭ pradstaŭnik centralnaha štaba Uzbrojenych sił Irana «Chazrat Chatam al-Anbija».
Pa jaho słovach, heta źviazana z tym, što amierykancy «praciahvajuć zajmacca piractvam i marskim razbojnictvam pad vyhladam tak zvanaj błakady».
«Pa hetaj pryčynie kantrol nad Armuzskim pralivam viarnuŭsia da raniejšaha stanu, i hety stratehičny praliŭ znachodzicca pad strohim kiravańniem i kantrolem uzbrojenych sił», — havorycca ŭ paviedamleńni.
Tym časam niekalki naftavych tankieraŭ raźviarnulisia ŭ Piersidskim zalivie paśla sprobaŭ prajści praz Armuzski praliŭ.
Havorka idzie prynamsi pra šeść sudnaŭ, u tym liku hreckiija i indyjskija tankiery, jakija ruchalisia ŭ napramku Armuza z rajonaŭ pablizu Dubaja. Usie jany byli zahružanyja naftaj, adnak u subotu ranicaj, 18 krasavika, pačali źmianiać kurs.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary