«Možacie rabić miemy. Dazvalaju». Mer Lvova zrabiŭ zabaŭnuju ahavorku ŭ zvarocie da šviedskaha karala
Mer Lvova Andrej Sadavy 17 krasavika na sustrečy z karalom Šviecyi Karłam XVI Hustavam, jaki pryjechaŭ u horad, dapuściŭ moŭnuju pamyłku, pavitaŭšy manarcha frazaj «Vaša nadzvyčajnaść» (Your Emergency) zamiest «Vaša vialikaść» (Your Majesty).
Karol Šviecyi Karł XVI Hustaŭ (u centry), Andrej Sadavy sprava ad jaho. Skrynšot ź videa
Incydent adbyŭsia padčas aficyjnaha vizitu šviedskaha manarcha ŭ Lvoŭ. 79‑hadovy karol Šviecyi Karł XVI Hustaŭ i ministr zamiežnych spraŭ krainy Maryja Malmier Stenierhard prybyli tudy 17 krasavika, paśla taho, jak praviali sustrečy ŭ Kijevie.
Sam Andrej Sadavy pastaviŭsia da svajoj ahavorki z humaram. Jon pryznaŭ pamyłku ŭ sacsietcy X, napisaŭšy:
«Tak, ja skazaŭ «jor emerdžensi». Možacie rabić miemy. Dazvalaju».
Što da samoha karala, to jon ničym nie vydaŭ svaju reakcyju na niezvyčajny zvarot da jaho. «Ja huhliŭ pra vaš horad — jon vielmi pryhožy», — skazaŭ Karł XVI Hustaŭ padčas prahułki pa centry Lvova.
Čytajcie taksama:
Kala Kanhresa ZŠA pastavili statuju Trampa ŭ abdymkach Epštejna na nosie «Tytanika»
«Zakon pavinien iści svajoj darohaj». Karł III prakamientavaŭ aryšt svajho brata
Bieły dom vydaliŭ videa Trampa z Abamami ŭ vyhladzie małpaŭ, ale prezident ZŠA admoviŭsia vybačacca