Daradca ministra abarony Ukrainy Siarhiej Biaskrestnaŭ (pazyŭny «Fłeš») piša ŭ fejsbuku, što ŭ Rasii jość niekalki mabilnych apierataraŭ, ale adzin ź ich — «Tele2» (ciapier t2) — najbolš aktyŭna vykarystoŭvajecca ŭ vajennych metach suprać Ukrainy. I ŭ peŭnych momantach dapamoha jamu prychodzić ź Biełarusi.
Pa słovach Biaskrestnaha, u bieśpiłotnikach typu «šachied» staviacca SIM-karty apieratara t2. Jany nibyta śpiecyjalna zakazvajucca i pieradajucca vytvorcam dronaŭ.
«Va Ukrainie roŭminh dla SIM-kart apieratara «Tele2» na «Šachiedach» zabłakavany, ale ŭzdoŭž miežaŭ «Šachiedy» atrymlivajuć pasłuhi roŭminhu, naprykład, ad biełaruskich apierataraŭ. Taksama SIM-karty mohuć pracavać u roŭminhu ad polskich abo rumynskich apierataraŭ, pralatajučy ŭzdoŭž miežaŭ z hetymi krainami», — piša Biaskrestnaŭ.
Taksama jon vykazvaje mierkavańnie, što padobnyja SIM-karty mohuć vykarystoŭvacca i ŭ inšych bieśpiłotnikach, jakija źjaŭlajucca ŭ roznych jeŭrapiejskich krainach.
Tamu, ličyć Siarhiej Biaskrestnaŭ, mižnarodnyja apieratary suviazi pavinny spynić supracoŭnictva z hetym apierataram — u pryvatnaści, razarvać damovy ab roŭminhu i ŭzajemadziejańni sietak — kab abmiežavać jaho dziejnaść tolki terytoryjaj Rasii.
Čamu Rasija atakuje Ukrainu «šachiedami» ŭdzień: źmiena taktyki z meš-sistemami i paloty «statkami»
U Rasii znoŭ abvinavacili krainy Bałtyi i Finlandyju ŭ dapamozie Ukrainie pry atakach na bałtyjskija party
Deficyt srodkaŭ SPA ci abchadnyja maršruty: čamu abjekty ŭ Rasii pastajanna ciarpiać ad udaraŭ USU
Zialenski skazaŭ pra płany Rasii stvaryć u Biełarusi bazu dla zapusku dronaŭ. U Minabarony kažuć, što jaho nie tak zrazumieli
Kamientary