U Kitai robat-humanoid u paŭmarafonie ŭpieršyniu abahnaŭ ludziej

U Kitai adbyłasia niezvyčajnaja padzieja: padčas Piekinskaha paŭmarafonu humanoidnyja robaty ŭpieršyniu zmahli vypieradzić ludziej-biehunoŭ, paviedamlaje The Guardian.

Fota: AP Photo/Andy Wong

U zabiehu ŭdzielničała bolš za 100 robataŭ kitajskaj vytvorčaści. Jany ruchalisia pa asobnaj trasie, kab paźbiehnuć sutyknieńniaŭ ź ludźmi.

U paraŭnańni ź minułym hodam ich vyniki značna palepšylisia. Raniej mnohija robaty navat nie mahli startavać abo nie dachodzili da finišu, a ciapier bolšaść paśpiachova pieraadoleła dystancyju.

Pieršym da finišu pryjšoŭ robat «Šańdziań» («Małanka»), raspracavany kampanijaj Honor. Jon bolš jak utraja pabiŭ minułahodni rekord i pieraadoleŭ dystancyju na 21 km za 50 chvilin 26 siekundaŭ. Heta našmat chutčej za niadaŭni suśvietny rekord siarod ludziej, ustanoŭleny ŭhandzijskim stajeram Džejkabam Kiplima ŭ minułym miesiacy ŭ Lisabonie — 57 chvilin 20 siekundaŭ.

Praŭda, i biez prablem nie abyšłosia: adzin z humanoidaŭ pierad finišam urezaŭsia ŭ aharodžu, i jaho daviałosia padymać.

Kamientary da artykuła