U Varšavie pasialili čałaviekapadobnaha robata — jon haniaje dzikoŭ i razmaŭlaje z narodam
U Varšavie źjaviŭsia novy haradski hieroj. Jaho nazvali ludskim imieniem: «Edvard Varchocki». Toje, što zadumlałasia jak žart, stała simvałam budučyni, jakaja niečakana ŭvachodzić u štodzionnaje žyćcio.
Edvard Varchocki — heta humanoidny robat madeli Unitree G1 vyšynioj 132 santymietry, raspracavany kitajskaj kampanijaj Unitree Robotics. Heta adnosna kampaktnaja i mabilnaja płatforma novaha pakaleńnia, zdolnaja chadzić na dźviuch nahach, utrymlivać raŭnavahu i vykonvać bazavyja dziejańni z dapamohaj sistem štučnaha intelektu i dystancyjnaha kiravańnia.
Jaho «varšaŭskuju asobu» i publičny vobraz stvaryli polskija entuzijasty Bartaš Idzik i Radasłaŭ Hžełačyk. Pieršapačatkova prajekt zadumlaŭsia jak zabaŭka i ekśpierymient, ale vielmi chutka pieratvaryŭsia ŭ virusnuju źjavu.
U adroźnieńnie ad typovych demanstracyjnych robataŭ, Edvard pavodzić siabie jak jarki miedyjny piersanaž. Jon maje ŭłasnyja akaŭnty ŭ sacsietkach, dzie ad jaho imia źjaŭlajucca žarty, kamientary i videa, na jakich Edvard «razmaŭlaje» z aŭdytoryjaj, kamientuje naviny i traplaje ŭ roznyja haradskija situacyi.
Piąteczek pic.twitter.com/X5GuD9OYGv
Adzin z epizodaŭ adbyŭsia ŭ varšaŭskim Centry «Kapiernik» — supiersučasnym muziei navuki i techniki, kudy pryjazdžajuć ludzi z usioj Jeŭropy. U videa, jakoje razyšłosia ŭ internecie, Edvard vykazvaje abureńnie z nahody taho, što jaho nie puskajuć usiaredzinu: maŭlaŭ, jon pryjšoŭ vučycca i pakazać, što robaty taksama mohuć paznavać śviet. Situacyja skončyłasia ŭmiašańniem achovy i palicyi, što vyklikała dyskusiju — ci hatovaje hramadstva, maralna i jurydyčna, da prysutnaści takich robataŭ u publičnych prastorach.
Chciałem dobrze, co Wy o tym myślicie? pic.twitter.com/5M0DlQM0Ef
Heta byŭ nie adziny vypadak, kali robat pryciahvaŭ uvahu. U sakaviku Edvarda zaprasili ŭ Siejm, dzie jon nie tolki adkazvaŭ na pytańni, ale i sam ich zadavaŭ.
Ale jaki ale jaki jaki jaki jaki agresywny pic.twitter.com/qVgdxA1nmu
Jon taksama udzielničaŭ u miedyjnych mierapryjemstvach, u tym liku ŭ šou «Tancy z zorkami», i navat startavaŭ u Varšaŭskim paŭmarafonie.
Asablivuju papularnaść atrymała videa, na jakim Edvard vyhaniaje dzikoŭ z varšaŭskaj vulicy.
sio sio sio pic.twitter.com/7KVZoXXdDJ
Jak piša MRKT3.0 Magazine, stvaralniki Edvarda śćviardžajuć, što padobnyja humanoidnyja robaty mohuć stać zvyčajnaj źjavaj užo ŭ najbližejšyja piać hadoŭ. Ich arhumienty prahmatyčnyja: mašyny nie chvarejuć, nie patrabujuć adpačynku i mohuć pracavać bieśpierapynna. Pry hetym jany pryznajuć, što sučasnyja technałohii jašče dalokija ad poŭnaha ŭznaŭleńnia čałaviečych emocyj.
Wesołych Świąt! pic.twitter.com/qPflxyE75A
Edvarda ŭžo sprabujuć pazicyjanavać nie tolki jak zabaŭlalny prajekt, ale i jak mahčymy pratatyp budučych «spadarožnikaŭ», asabliva dla adzinokich abo pažyłych ludziej, — jon zaŭsiody dastupny, pryjazny i funkcyjanalny.
Dzień dobly pic.twitter.com/dkF0VK6KgG
Ale razam z hetym, pa miery taho, jak robaty, padobnyja da Edvarda, stanoviacca ŭsio bolš zdolnymi i čaściej prysutničajuć u našych haradach, uźnikajuć i bolš składanyja pytańni: ci zamieniać jany ludziej u pracy, jak źmieniacca hramadskija normy i jakim stanie suisnavańnie čałavieka i mašyny ŭ haradskoj prastory.
Jedziemy pic.twitter.com/zg5urBJ23N
Pavodle Idzika i Hžełačyka, tendencyja raźvićcia siužeta śviedčyć ab tym, što prynamsi častkova robaty zamieniać ludziej ŭ mnohich zadačach. Jany taksama bačać bolš kałabaratyŭnuju budučyniu, dzie robaty dapaŭniajuć čałaviečaje žyćcio, a nie prosta zamianiajuć jaho. Ale pakul što Edvard Varchocki staŭ fienomienam pop-kultury.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
nu pram taki...
muž niejak skazaŭ - nijaki robat ci stanok nie moža vyrabić zvyš taho, što ŭ jaho zakładziena prahramaj i t.p., a na čałavieka naareš, dak jon tabie try źmieny ŭ adnu adpracuje