U aknie minskaha šmatpaviarchovika zaŭvažyli rasijski ściah FOTAFAKT
«Minsk, dobraj ranicy. Heta jašče što za chreń?» — napisała aŭtarka pasta ŭ Threads. Publikacyja sabrała bolš za 123 tysiačy prahladaŭ i kala 1300 kamientaroŭ, zaŭvažyła «Salidarnaść». Biełarusy prapanujuć pisać skarhi na žylcoŭ kvatery, a taksama zadajucca pytańniem: kudy hladziać siłaviki?
U kamientarach vykazali zdahadku, što zdymak zrobleny ŭ žyłym kompleksie «Minsk-Śviet»:
«Bolšaja častka kvater «Minsk-Śvietu» kuplena hramadzianami RF, a astatniaja častka — sielskimi žycharami RB. Tamu nie dziŭna».
Biełarusy adznačajuć, što zhodna z zakanadaŭstvam RB zabaroniena vyviešvać što-niebudź na fasadach šmatkvaternaha doma biez dazvołu ŭsich ułaśnikaŭ kvater, i prapanujuć pisać skarhi.
«Susiedzi z uschodu pryjechali na internet pahladzieć», — kamientujuć karystalniki.
«V vašiem domie posieliłsia Zzamiečatielnyj sosied…»
«U čužy manastyr sa svaim statutam nie lezuć. Ja maju hramadzianstva RF, ale daŭno žyvu ŭ Biełarusi, i, ščyra, heta niepryjemna, i ja mahu zrazumieć čamu. Lubić radzimu možna pa-roznamu, i, jak praviła, luboŭ vyjaŭlajecca cišej, a heta niejkaje paziorstva».
«Niesankcyjanavany adzinočny pikiet šlacham demanstracyi simvoliki zamiežnaj dziaržavy. Naŭrad ci na hetaje dziejańnie byŭ zapytany i atrymany dazvoł vykankama. Pytańnie: kudy hladziać pravaachoŭnyja orhany?» — zadajucca pytańniem niekatoryja.
«U nas u dvary taki ž susied jość. Ściah na ŭvieś bałkon», — źviarnuła ŭvahu karystalnica sacsietki.
Čytajcie taksama:
Chto toj zamiežnik, jaki zabiŭ žonku i zhvałtavaŭ padčarku ŭ Dobrušy
Biełarusy 25 hadoŭ ličyli hety brend prysmakaŭ rasijskim — i pryncypova jaho ihnaravali