U Kijevie pamior dvornik, jaki zakryŭ saboj dzicia, u jakoje stralaŭ teraryst

Miedyki sutki zmahalisia za žyćcio Alaksandra Pierhi, ale vyratavać jaho nie ŭdałosia.

Jon staŭ siomaj achviaraj strałka, jaki ŭčyniŭ terakt 18 krasavika.

Miascovyja žychary kažuć, što dziadzia Saša zaŭsiody paśmichaŭsia i dapamahaŭ navakolnym. U jaho zastaŭsia kot, jakoha Alaksandr prytuliŭ. Susiedzi abiacajuć pryhledzieć za hadavancam, piša «Nastojaŝieje vriemia».

Alaksandr zaklikaŭ sadžać u dvary fruktovyja drevy, kab jany radavali ćvicieńniem i pładami. Zaraz drevy pasadziać u jahony honar.

U subotu, 18 krasavika, mužčyna z karabinam u rukach vyjšaŭ na vulicu ŭ Hałasiejeŭskim rajonie niepadalok ad centra Kijeva i staŭ stralać, zatym uvarvaŭsia ŭ supiermarkiet, dzie zachapiŭ zakładnikaŭ. Usiaho zahinuli siem čałaviek, u tym liku siamiejnaja para, što hulała z synam padletkam. Dziadzia Saša zakryŭ saboj 12‑hadovaha Arcioma, ale sam trapiŭ pad kuli hałasiejeŭskaha strałka. Jon atrymaŭ ciažkija ranieńni piečani, kišečnika i straŭnika.

Terarysta zastrelili.

Kamientary da artykuła