U Kijevie mužčyna pačaŭ stralaninu i ŭziaŭ zakładnikaŭ u supiermarkiecie
U Kijevie ŭ Hałasiejeŭskim rajonie nieviadomy mužčyna adkryŭ stralbu pa ludziach kala supiermarkieta «Viełmart». Pavodle papiaredniaj infarmacyi palicyi, jak minimum adzin čałaviek zahinuŭ, jość taksama paranienyja.
Asoba strałka pakul nie ŭstanoŭlenaja. Na vyhlad heta mužčyna hadoŭ z 60, uzbrojeny aŭtamatam — jon padychodziŭ da vypadkovych ludziej na vulicy i stralaŭ pa ich amal va ŭpor.
Viadoma, što adzin čałaviek zahinuŭ, jak minimum čaćviora paranienyja.
Paśla stralaniny napadnik uziaŭ u zakładniki naviedvalnikaŭ supiermarkieta «Viełmart».
Rajon vakoł supiermarkieta ačepleny, na miescy pracujuć śpiecsłužby.
Matyvy napadnika pakul nieviadomyja, situacyja zastajecca napružanaj.
Mer Kijeva Vital Kličko paviedamiŭ, što siarod paranienych na vulicy — dzicia. Miedyki transpartujuć jaho ŭ balnicu. Darosłych paranienych ahladajuć i akazvajuć dapamohu na miescy. Pavodle słoŭ mera, u vyniku stralaniny jość paranienyja i niekalki zahinułych.
«Śpiecapieracyja pa zatrymańni mužčyny, jaki ŭčyniŭ stralaninu i zaraz znachodzicca ŭ pamiaškańni supiermarkieta, praciahvajecca. Pavodle papiaredniaj infarmacyi, u supiermarkiecie taksama čutnyja streły», — napisaŭ Kličko.
Paśla Kličko nazvaŭ udakładnienyja ličby achviar — dvoje zahinułych i piać paranienych. Siarod paranienych — achoŭnik supiermarkieta, u jakim schavaŭsia strałok.
Paviedamlajecca, što da supiermarkieta padjechała braniatechnika i śpiecnaz rychtujecca da šturmu. Ale pakul sa strałkom viaduć pieramovy. Na miesca zdareńnia pryjechaŭ ministr unutranych spraŭ Ukrainy Ihar Klimienka.
Hałasiejeŭski praśpiekt, dzie adbyvajucca padziei, pierakrytyja, miesca padziej ačeplenaje.
-
Mužčyna rasstralaŭ vaśmiarych dziaciej u ZŠA
-
Iran admaŭlajecca ad sustrečy z amierykancami ŭ Isłamabadzie. Bajkot vydaje hłyboki raskoł u Tehieranie
-
«Spynić situacyju, kali ludzi znachodziacca na ŭtrymańni dziaržavy ad samaha pryjezdu». Irłandyja prapanuje ŭkraincam ščodryja vypłaty za viartańnie dadomu
Kamientary