Kolkaść palitviaźniaŭ rezka skaraciłasia — amal na 100 čałaviek. Za košt čaho?
Za apošnija tydni na sajcie «Viasny» rezka źmienšyłasia kolkaść palitviaźniaŭ — z 922 da 839 čałaviek, pry hetym pra masavyja vyzvaleńni nie čuvać. Pravaabaronca «Viasny» patłumačyła «Našaj Nivie», što zdaryłasia.
Fota: «Viasna»
Pa stanie na pačatak krasavika ahulnaja kolkaść palitviaźniaŭ składała 922 čałavieki.
20 krasavika da śpisu dadali jašče 9 čałaviek, ale kolkaść ciapier istotna mienšaja, čym dva tydni tamu — u im 839 čałaviek. Kudy dzielisia amal 100 palitviaźniaŭ?
Pravaabaronca «Viasny» patłumačyła «Našaj Nivie», što ŭ centry vyrašyli pravieści pravierku śpisa:
«My sabrali źviestki ŭ tym liku ad byłych viaźniaŭ pra tych, chto ŭžo vyzvaliŭsia. I adpaviedna, źmianili takim ludziam status na «były palitviazień». Taksama praviarali, chto dakładna musiŭ być vyzvaleny paśla skančeńnia terminu, i taksama prybirali hetych ludziej sa śpisu palitviaźniaŭ».
Pry hetym nieŭzabavie «Viasna» płanuje dać status palitviaźniaŭ novym biełarusam, pra pieraśled jakich stała zaraz viadoma.