U Mazyry šmatdzietnaja maci dva hady dahladała invalida, a paśla zabiła jaho
U Mazyry žančyna, jakaja kala dvuch hadoŭ dahladała invalida, była asudžanaja za jaho zabojstva, paviedamlaje prakuratura Homielskaj vobłaści.
Zdymak ilustracyjny. Fota: freepik.com
Jak paviedamlajecca, 33‑hadovaja žančyna žyła razam ź invalidam druhoj hrupy, u jakoha byli častkova amputavanyja nohi. Jon nie moh samastojna vychodzić z kvatery, a jahonaja bankaŭskaja kartka znachodziłasia ŭ žančyny. Jana kuplała nieabchodnyja rečy i dahladała jaho.
Adnak u lipieni 2025 hoda pamiž imi adbyŭsia kanflikt. Žančyna, znachodziačysia ŭ stanie ałkaholnaha apjanieńnia, naniesła mužčynu nie mienš za 13 udaraŭ nažom. Ad straty kryvi jon pamior.
Viadoma, što ŭ žančyny jość piaciora małych dziaciej, jakija ciapier žyvuć z baćkam. Jana stajała na ŭliku ŭ narkołaha. U sudzie abvinavačanaja častkova pryznała svaju vinu.
Sud pryznaŭ žančynu vinavataj i prysudziŭ 18 hadoŭ pazbaŭleńnia voli ŭ kałonii ahulnaha režymu. Taksama joj pryznačyli prymusovaje lačeńnie ad ałkaholnaj zaležnaści i abaviazali vypłacić 5000 rubloŭ maralnaj kampiensacyi svajakam zahinułaha.
Čytajcie taksama:
Uščent pjany žychar Šumilina vychapiŭ u milicyjaniera pistalet i sprabavaŭ strelić jamu ŭ hałavu
U Minsku sabutelniki zabili tavaryša i vynieśli pamirać na leśvičnaj placoŭcy