U Minsku sabutelniki zabili tavaryša i vynieśli pamirać na leśvičnaj placoŭcy
U adnym z damoŭ adbyłasia trahiedyja: na leśvičnaj placoŭcy byŭ znojdzieny mužčyna biez prykmiet žyćcia.
Viadoma, što niezadoŭha da zdareńnia ŭ susiedniaj kvatery adbyvałasia zastolle. Kampaniju zahinułamu składali jaho sužycielka i jaje były sužyciel.
Pamiž mužčynami ŭspychnuŭ kanflikt na hlebie reŭnaści, jaki pieraros u bojku. Pavodle słoŭ byłoha sužyciela, padčas sutyčki apanient straciŭ prytomnaść, paśla čaho jaho pieranieśli na leśvičnuju placoŭku «adpačyć».
Ale, pa vynikach ekśpiertyzy, na ciele zahinułaha šmatlikija — nie mienš za piatnaccać — udary ŭ vobłaści hałavy i tułava, cialesnyja paškodžańni.
U momant śmierci mužčyna byŭ u stanie ałkaholnaha apjanieńnia: kancentracyja etyłavaha śpirtu ŭ jaho kryvi skłała 3,6 pramile, paviedamlaje Dziaržkamitet sudovych ekśpiertyz.
Klučavuju vysnovu zrabiła sudova-miedycynskaja histałahičnaja i imunnahistachimičnaja ekśpiertyza, vyniki jakoj zaśviedčyli, što niepasrednaj pryčynaj śmierci stała miechaničnaja aśfiksija, jakaja ŭźnikła ŭ vyniku zdušeńnia orhanaŭ šyi tupym pradmietam.
Pa kryminalnaj spravie ab zabojstvie sud vynies abvinavaŭčy prysud i pryznačyŭ pakarańnie ŭ vyhladzie pazbaŭleńnia voli na termin 19 hadoŭ.
Kamientary
Ubityj v kvartirie, nie moh pomierieť na leśničnoj kletkie.
Ili vsio-taki vynieśli nie ubitoho ?