U Minsku pradajuć hryby pa 675 rubloŭ za kiłahram
U Minsku ŭ prodažy źjavilisia sušanyja baraviki pa vielmi vysokaj canie — kala 675 rubloŭ za kiłahram. Jany pradajucca jak vialikaj vahoj, tak i ŭ nievialikich upakoŭkach: naprykład, kala 27 rubloŭ za 40 hramaŭ. Pradukcyja vyrablena ŭ Rasii, piša Tochka.by.
Padobnyja ceny ŭžo sustrakalisia i raniej: na Kamaroŭskim rynku sušanyja hryby pradavali prykładna pa 400—450 rubloŭ za kiłahram. Pradaŭcy tłumačać takuju darahoŭlu tym, što padčas suški vaha hryboŭ mocna źmianšajecca — prykładna ŭ dziesiać razoŭ. Adpaviedna, kab atrymać kiłahram sušanych, patrebna značna bolš śviežych hryboŭ.
Pry pryhatavańni, jak adznačajuć pradaŭcy, hryby znoŭ nabirajuć abjom, što častkova kampiensuje ich vysoki košt.
Čytajcie taksama:
U paleskich lasach znajšli niezvyčajny dla Biełarusi hryb
U Biełarusi — bum na restarany nacyjanalnaj kuchni i jaje novaje pračytańnie
Novy trend — hrybnaja kava. Nakolki heta sapraŭdy funkcyjanalny napoj?