FIFA nie płanuje zamianiać zbornuju Irana na čempijanacie śvietu pa futbole
Iran prapanavali zamianić Italijaj.
Zbornaja Irana. Fota: Gao Meng / VCG via Getty Images
U FIFA nie razhladajuć scenar z zamienaj zbornaj Irana na Italiju na budučym čempijanacie śvietu, niahledziačy na raniejšyja prapanovy, paviedamlaje Bi-bi-si.
Raniej ź inicyjatyvaj vystupaŭ pasłańnik prezidenta ZŠA Donalda Trampa Paała Zampoli. Jon zajaŭlaŭ, što zbornaja Italii pa futbole jak čatyrochrazovy čempijon śvietu mahła b atrymać miesca na turniry navat biez prachodžańnia kvalifikacyi. Adnak u samoj FIFA hetaja ideja padtrymki nie znajšła.
Kiraŭnik arhanizacyi Džani Infancina raniej padkreślivaŭ, što zbornaja Irana pa futbole «dakładna prymie ŭdzieł» u turniry.
Dziaržsakratar ZŠA Marka Rubia zajaviŭ, što Złučanyja Štaty buduć rady iranskaj kamandzie na čempijanacie śvietu
U Tehieranie zapeŭnivajuć, što kamanda hatova da spabornictvaŭ i płanuje vystupić biez abmiežavańniaŭ.
Čempijanat śvietu pa futbole 2026 startuje 11 červienia i projdzie ŭ ZŠA, Kanadzie i Mieksicy. Zbornaja Irana pavinna pravieści matčy hrupavoha etapu ŭ ZŠA