Urad ZŠA budzie rady vitać nacyjanalnuju zbornuju Irana na čempijanacie śvietu pa futbole 2026, jaki projdzie hetym letam u ZŠA, Kanadzie i Mieksicy.
Jak zajaviŭ kiraŭnik Dziarždepartamienta Marka Rubia, nichto nie kazaŭ kamandzie, «što jany nie mohuć pryjechać», i karać hulcoŭ niama za što, paviedamlaje Bild.
U toj ža čas Rubia papiaredziŭ, što členam iranskaj spartyŭnaj delehacyi mohuć admović va ŭjeździe, kali ŭ ich jość suviazi z Korpusam vartavych Isłamskaj revalucyi.
Kali iranskaja kamanda pryjedzie da padpisańnia mirnaha pahadnieńnia, heta budzie pieršy vypadak u historyi čempijanataŭ śvietu pa futbole, kali kraina-ŭdzielnica znachodzicca ŭ stanie vajny z krainaj-haspadyniaj.
Nieadnarazova paviedamlałasia, što Iran moža admovicca ad udziełu ŭ čempijanacie śvietu z-za vajny ZŠA suprać Irana.
A dniami śpiecyjalny pasłańnik prezidenta ZŠA pa hłabalnych partniorstvach Paała Zampoli prapanavaŭ FIFA zamianić zbornuju Irana kamandaj Italii, što nie zdoleła prajści adbor na mundyjal.
Pavodle słoŭ krynic FT, znajomych ź situacyjaj, hetaja prapanova źjaŭlajecca sprobaj adnavić adnosiny pamiž Donaldam Trampam i premjer-ministram Italii Džordžaj Miełoni paśla taho, jak pamiž imi adbyŭsia kanflikt na fonie krytyki, jakoj jon abmianiaŭsia z Papam Lvom XIV z-za vajny ź Iranam.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary