Iran prapanavaŭ ZŠA adkryć Armuzski praliŭ i skončyć vajnu
Dypłamatyčnyja namahańni zajšli ŭ tupik.
Tankier u Armuzskim pralivie. Ilustracyjnaje fota: Getty Images
Iran pieradaŭ ZŠA prapanovu adkryć Armuzski praliŭ i zaviaršyć vajnu, adkłaŭšy abmierkavańnie jadziernaj prahramy na bolš poźni etap. Pra heta paviedamlaje Axios sa spasyłkaj na krynicy.
Jak adznačaje vydańnie, iranskaje kiraŭnictva nie moža pryjści da adzinaha mierkavańnia adnosna taho, na jakija sastupki pa jadziernaj prahramie jano hatova pajści, a dypłamatyčnyja namahańni zajšli ŭ tupik.
Novaja prapanova Tehierana dazvalaje abyści hetaje pytańnie dziela chutčejšaha zaklučeńnia ździełki, adnak Bieły dom taki scenar moža nie zadavolić z-za straty ryčahoŭ cisku, piša Axios.
Raniej u intervju telekanału Fox News Tramp zajaviŭ, što maje namier i dalej vykarystoŭvać žorstkuju marskuju błakadu, raźličvajučy, što spynieńnie ekspartu nafty prymusić Iran pajści na sastupki ŭžo ŭ najbližejšyja tydni.
Čytajcie taksama:
Uitkaf i Kušnier da Isłamabada nie dajechali. Tramp rastłumačyŭ čamu
Tramp pradkazaŭ, što iranskija naftapravody ŭzarvucca z-za spynieńnia prapampoŭki