Tramp pradkazaŭ, što iranskija naftapravody ŭzarvucca z-za spynieńnia prapampoŭki
U vypadku avaryi Iran stracić prykładna pałovu svaich mahutnaściaŭ.
U Irana jość kala troch dzion, pierš čym raźmieščanyja na terytoryi krainy naftapravody apynucca pad pahrozaj vybuchu z-za ŭnutranaha cisku. Takuju zajavu zrabiŭ prezident ZŠA Donald Tramp u intervju telekanału Fox News.
Pavodle słoŭ amierykanskaha lidara, praź iranskija naftapravody prachodziać «vializnyja abjomy nafty». Paśla spynieńnia prakački mahčymy vybuch.
«Kali pa jakoj-niebudź pryčynie hetaja linija zakryvajecca, bo vy bolš nie možacie źmiaščać naftu ŭ kantejniery abo na sudny, to adbyvajecca toje, što hetaja linija vybuchaje znutry. Kali niešta adbyvajecca, jana prosta vybuchaje. Kažuć, u ich zastałosia kala troch dzion, pierš čym heta zdarycca», — skazaŭ Tramp.
Amierykanski lidar śćviardžaje, što kali heta adbudziecca, Iran stracić kala pałovy mahutnaściaŭ, adnavić jakija budzie niemahčyma.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu45
Kamientary