U Viciebsku na tarhi vystavili aŭtazak

Śpiecyfičny łot źjaviŭsia na elektronnaj placoŭcy Gostorg.by, zaŭvažyła vydańnie «Mocnyja naviny». U apisańni skazana, što heta hruzavy furhon 2010 hoda vypusku, prabieh — 102 tysiačy kiłamietraŭ, znachodzicca ŭ Viciebsku.

Startavaja cana śpiecyfičnaha aŭtatranspartu — 33 400 rubloŭ, što roŭna 11 800 dalaraŭ u ekvivalencie.

Achvočyja mohuć ahledzieć mašynu, ale tolki pa papiaredniaj zajaŭcy. Danych pra toje, ci treba pieraabstaloŭvać furhon paśla kupli, u abjavie niama. Nie paznačanyja i abmiežavańni dla ŭdzielnikaŭ — jak vyhladaje, kupić śpiecmašynu moža luby čałaviek?

Aŭkcyjon pryznačany na 11 maja.

Kamientary da artykuła